D eredua ingelesarekin
Prestatzea eta eraldatzea
Hezkuntza Proiektua
Amaurre Txiki
(0-2 urte)
AMAURREN, ETXEAN BEZALA.
LEHENENGO URRATSAK, HOBETO ELKARREKIN.
Amaurren, pertsona bakoitzaren garapen aukeretan sinesten dugu, bakoitzaren talentu eta jakin-nahi berdingabeak aintzat hartuta, eta ingurune abegitsu eta hurbil bat eskaintzen dugu, ikasle bakoitza bere osotasunean garatu dadin eta bere bidea egin dezan.
Kalitatezko hezkuntza eskaintzen dugu, eta, horretarako, bi osagai hauek uztartzen ditugu: prestakuntza akademiko sendoa eta giza alderdiaren zaintza. Horrela, oinarri sendoak dituzten eta gizartea hobetzeko eta gure ingurunea zaintzeko gai diren pertsonak garatzen laguntzen dugu.
Haur Hezkuntza
(3-5 urte)
JOLASA ETA IKASKUNTZA ESKUTIK DOAZ.
HANDIA EGITEN ARI NAIZ?
Adin tarte honetan sortzen dira haurren zirkuitu neuronal gehienak, ondorengo etapetan euren potentzial guztia garatzeko beharko dituztenak, eta, beraz, pertsonaren garapeneko funtsezko unea da.
Badakigu haurren garapena ezin hobea izateko funtsezkoa dela ingurunea abegitsua izatea, helduak erne eta inplikatuta egotea, eta psikomotrizitatea, hizkuntza aberatsa eta zenbakien kontzientzia sendoa sustatzea.
Lehen Hezkuntza
(6-12 urte)
Ikasleak 6 urte dituztela iristen dira Lehen Hezkuntzara, eta, amaitzean, 12 urte izango dituzte. Jauzi handi bat euren bizitzan!
Etapa honetako helburua da ikasle guztiek oinarrizko gaitasunak garatzea, bizitzako edozein arlotan moldatu ahal izateko. Arlo akademikotik giza alderdira, maila indibidualetik sozialera. Gero loratuko denaren oinarriak finkatzen dira etapa honetan; beraz, garrantzitsua da oinarria sendoa eta emankorra izatea.
DBH (12-16 urte)
Nerabezaroa iraultza fase bat da gure ikasleen bizitzan, eta, ikastetxean igaroko duten azken etapa den arren, badakigu haien bizi proiektuen hasiera izango dela. Horregatik, garrantzitsua da gure ikasleak prestatuta ateratzea, aukeratzen duten bidea edozein dela ere.
Etengabe aldatzen ari den mundu globalizatu batean bizi eta lan egin beharko dute, eta konpromiso sozialaren araberakoa izango da aurrean jartzen zaizkien erronka handiek hartuko duten norabidea.
Matrikulazioa
Eskolaz kanpoko jarduerak
Amaurre munduan
XXI. mendean, maila lokala eta globala eskutik hartuta doaz. Eta Amaurren, horren jakitun, gure ikasle eta familia guztien eskura jartzen ditugu atzerriko hizkuntzak ikasteko dauzkagun baliabide guztiak, eta Europar Batasuneko herrialde guztietako ikastetxeekin trukeak egiteko aukera ere ematen dugu. Bidaiatuz ikasteko aukera paregabea.
ERASMUS+
CAMBRIDGE
Kids&Us
